... 2019 ఆంధ్రప్రదేశ్ ఎన్నికలు - భాజపా మరియు ఇతరులు

వంశీ వ్యూ పాయింట్ // ... 2019 ఆంధ్రప్రదేశ్ ఎన్నికలు - భాజపా మరియు ఇతరులు //
**************************************************************************************
            రాబోయే ఆంధ్రప్రదేశ్ ఎన్నికలలో రాజకీయ పార్టీల అవకాశాల గురించి నేను రాస్తున్న నా వ్యూ పాయింట్ వ్యాసాలలో ఇది నాలుగవది. ఇంతకుముందు వామపక్షాలు, కాంగ్రెస్ మరియు జనసేన అవకాశాల గురించి విశ్లేషించాను. ఇందులో భాజపా మరియు ఇతరుల అవకాశాల గురించి, తరువాత తెదేపా మరియు వైకాపా అవకాశాల గురించి విశ్లేషిస్తాను. ముందుగా కేంద్రంలో  ఉండటమే కాకుండా, దేశంలోనే అతిపెద్ద పార్టీగా (పార్లమెంట్ సభ్యుల సంఖ్యాపరంగా) ఉన్న భాజపా స్థాయి దక్షిణాదిన (ఒక్క కర్ణాటకను మినహాయిస్తే) ఏమిటన్నది ప్రత్యేకించి చెప్పవలసిన పనిలేదన్నది నా అభిప్రాయం. గతంలో (సమైక్యాంధ్రలో) చెప్పుకోదగిన స్థాయిలో ఎమ్మెల్యే మరియు ఎంపీ స్థానాలున్నప్పటికీ సొంతంగా ఎదిగే ప్రయత్నం చేయకుండా, తెలుగుదేశానికి తోకలా ఉండిపోవటమన్నది భాజపా ఆంధ్రప్రదేశ్ లో చేసిన చారిత్రక తప్పిదం. దానికి కారణం వెంకయ్య నాయుడు లేదా మరొకరు కావచ్చు, కానీ ఇపుడు దాదాపు ఉనికి కోల్పోయే పరిస్థితికి వచ్చిందన్నది సత్యం. 
            గత 2014 ఎన్నికలలో తెదేపాతో కలిసి వెళ్లిన భాజపా, ఇపుడు ఒంటరిగానే ఎన్నికలు ఎదుర్కోవాల్సిన పరిస్థితి. ఒక సామెత చెబుతారు 'రాజకీయాల్లో హత్యలుండవు, స్వీయమరణాలే' అని - అలాగ  చూస్తే భాజపా ప్రస్తుత పరిస్థితికి కారణం భాజపా స్వీయ తప్పిదాలే. గతం గురించి ముందే చెప్పుకున్నాం కాబట్టి, 2014 తదనంతర పరిస్థితుల గురించి మాత్రమే ప్రస్తావించుకుందాం. 2014 తరువాత రాష్ట్రంలో చంద్రబాబు ప్రభుత్వం ఎంతో విచ్చలవిడిగా ఖర్చు చేస్తూ, లెక్కలు చూపకున్నా ఊరుకుంది - ఇపుడు నిధులు ఇవ్వకపోవడానికి కారణం లెక్కలు చూపకపోవడం అంటే ఎలా? నాలుగున్నరేళ్ళు చంద్రబాబును ఎంటర్టైన్ చెయ్యడం భాజపా తప్పిదమే కదా. అందునా వెంకయ్య నాయుడును ఉప రాష్ట్రపతిని చేశాక, రాష్ట్రంలో భాజపా పరిస్థితి ఏమైనా మెరుగుపడుతుందేమో అని భాజపా మద్దతుదారులు ఆశించారు. కానీ, మునుపటికంటే దిగువకు దిగజారింది. 2004 లో చంద్రబాబు గారు తాను నష్టపోవడంతో పాటు, భాజపాను కూడా పదేళ్ళపాటు కోలుకోలేని దెబ్బ తీశారు. ఇపుడూ అంతకుమించి వేరేగా జరిగే అవకాశాలు లేవు. (కానీ కేంద్రస్థాయిలో ప్రతిపక్షాల బలహీనతలవల్ల భాజపా అధికారం నిలబెట్టుకునే అవకాశాలు అధికం) ఉన్న ఒకరిద్దరు  ఇప్పటికే సర్దేసుకున్నారు.  మిగిలినవారిలో కృష్ణంరాజు మాత్రమే కంటికి ఆనుతున్నారు. ఇటువంటి పరిస్థితిలో భాజపా ఆంధ్రప్రదేశ్ ఎన్నికల ఫలితాల విషయంలో ఆశలు పెట్టుకోవడం అనవసరం. ఎన్నికలయ్యాక ఎవరిని మద్దతుకోరాలి (అప్పటి పరిస్థితిని బట్టి) అన్న అంచనాలు  వేసుకుని, తమ విధానాన్ని కాస్త సవరించుకోవడం తప్పించి చేయగలిగిందేమీ లేదు. ప్రస్తుతానికి వైఎస్సార్సీపీ మరియు తెదేపాలతో సమదూరం పాటించడం తప్పించి  లేదు. ఒంటరిగా ఎన్నికలకు వెళ్ళినా, వెళ్ళకపోయినా పెద్ద తేడా కూడా ఉండదు. అదృష్టం బాగుంటే ఒకటో, రెండో సీట్లు గెలవవచ్చు. 
            ఇక ఇతరుల విషయానికి వస్తే, వీరి పాత్ర ఈసారి కాస్త ఎక్కువగానే ఉండేట్టుంది - ప్రత్యేకించి జనసేన కాస్త గట్టి అభ్యర్థులను నిలబెట్టబోయే ప్రాంతాల్లో ఈ ఇతరులు అనబడే స్వతంత్ర అభ్యర్థుల పాత్ర ఉండవచ్చు. విశ్లేషకుల అభిప్రాయం ప్రకారం - తెదేపా అత్యంత బలహీనంగా ఉన్న స్థానాల్లో జనసేన తరఫున బలమైన అభ్యర్థులు నిలబడే అవకాశం ఉంది, ఆ ప్రాంతాల్లో లోపాయికారి ఒప్పందాల ప్రకారం తెదేపా వోట్, జనసేన వైపు మళ్ళించే అవకాశాలున్నాయి. అలా ఇష్టం లేని వారు, వైఎస్సార్సీపీకి వోట్ వెయ్యటం నచ్చనివారు - ఒకవేళ అక్కడ కాస్త బలమైన అభ్యర్థి స్వతంత్ర అభ్యర్థిగా నిలబడితే గట్టి పోటీ ఇవ్వడంతో పాటు, గెలిచే అవకాశాలు ఉండవచ్చు. ప్రస్తుతానికి అంచనాల ప్రకారం జనసేన పోటీ ప్రధానంగా ఉభయగోదావరి జిల్లాలతో పాటు అనంతపురం మరియు చిత్తూరులలో ఉండవచ్చు. రాయలసీమలో పెద్దగా ప్రభావం చూపలేకపోయినా, ఉభయగోదావరి జిల్లాలలో స్వతంత్రులు ప్రభావం చూపవచ్చు. అలా చూస్తే స్వతంత్రులు 1 నుండి 5 స్థానాల వరకూ గెలిచే అవకాశాలు ఉన్నాయి. 

Comments

  1. 1998 లోక్సభ ఎన్నికలలో బీజేపీ ఆంధ్రాలో 13.3% ఓట్లు దక్కించుకోవడమే కాక కాకినాడ & రాజమండ్రి సీట్లు గెలిచింది. తొమ్మిది (బొబ్బిలి, విశాఖ, అనకాపల్లి, అమలాపురం, విజయవాడ, నెల్లూరు, తిరుపతి, చిత్తూరు & హిందూపురం) సీట్లలో బీజేపీ బలపరిచిన లక్ష్మీ పార్వతి అభ్యర్థులు & రెండు (శ్రీకాకుళం & భద్రాచలం) సీట్లలో బీజేపీ బలపరిచిన లక్ష్మీ పార్వతి అభ్యర్థులు లక్ష ఓట్లు దాటారు.

    షుమారు ముప్పై లక్షల ఓట్లతో స్పష్టమయిన మూడో స్థానం (తెలంగాణాలో రెండో స్థానం) ఆక్రమించిన బీజేపీ ఏడాది తిరిగేసరికి అనూహ్యంగా బాబు ముందు దాసోహం అయిపోయి తోకపార్టీ అవతారం ఎత్తింది. వాజపేయి వేవు & కార్గిల్ యుద్ధ నేపథ్యంలో చంద్రబాబు మళ్ళీ అందలం ఎక్కాడు. ఈ చారిత్రిక తప్పిదం (కుమ్ముక్కు?) వెంకయ్య నాయుడి బాగోతమే.

    ReplyDelete
    Replies
    1. మీరన్నది నిజమే, భాజపా ఆంధ్రప్రదేశ్ లో నిలదొక్కుకోలేకపోవటానికి ప్రధాన కారణం వెంకయ్య నాయుడు గారే.

      Delete
    2. 2014తరువాత ఆంద్రప్రదేశ్ కి ప్రత్యేకహోదా ఇచ్చేస్తే ఇవాళ గర్వంగా ఓట్లు అడగగలిగేది బీజేపీ. తను చేసుకున్న సెల్ఫ్ గోల్ ని వెంకయ్యనాయుడు మీదకి నెడతారేమిటి?

      Delete
    3. బహుశా మీరు భాజపా స్థితి అంటే కేవలం 2014 తదనంతరం మాత్రమే చూస్తున్నట్టున్నారు. కానీ, 90 లలో చెప్పుకోదగ్గ స్థాయిలో ఎంపీలు, ఎమ్మెల్యేలు ఉన్నప్పటికీ, ఇపుడు ఈ స్థాయికి దిగజారటానికి కారణం ఎవరో అందరికీ తెలుసు.

      Delete
    4. సూర్య గారూ, బీజేపీ స్పెషల్ స్టేటస్ ఇచ్చినా ఆ క్రెడిట్ బాబు ఖాతాలోకే వెళ్ళేది కాదంటారా?

      Delete
    5. అయాం సారీ..మీ వ్యాఖ్య ఒక దరిద్రగొట్టు సమర్థన. కేంద్రంలో అధికారం లో ఉండి ప్రత్యేకహోదా ఇస్తే దాన్ని చంద్రబాబు ఖాతాలో అప్పనంగా వేసెయ్యడానికి ఆంధ్ర ప్రజలు అంత అమాయకులేం కాదు. నిజానికి ఇచ్చిన వాగ్దానాన్ని నిలబెట్టుకోకుండా ఉన్నపుడు, చెయ్యాల్సిన పనికి కాలయాపన చేసినపుడే ఇంకొకరికి దాన్ని రాజకీయంగా ఉపయోగించుకునే అవకాశం వస్తుంది. ఉదాహరణకి తెలంగాణలో కేసీఆర్ క్రైడిట్ కొట్టినట్లు!
      అయినా ఇంత దిక్కుమాలిన సమర్థనలు మీరెందుకు చేస్తున్నారో మాకు తెలియదనుకోకండి మిస్టర్ జై! ఆంధ్రకు ప్రత్యేక హోదా ఇవ్వనందుకు తెరాస వారికి ఎలా ఉందొ తెలియదుగాని మీలాంటివారికి మాత్రం బహు సంబరంగా ఉందన్నది కళ్ళకి కనబడే సత్యం. అదెలాగో కూడా చెపుతాను చిత్తగించండి.
      ఒకవేల 2015లోనో 2016లోనో ఆంధ్రకి ప్రత్యేక హోదా ఇచ్చినా తెలంగాణకు ఇచ్చి ఉండే అవకాశం తక్కువ. దానికి రెండు కారణాలు (1)విభజన బిల్లులో లేకపోవటం, తెలంగాణకి హోదా ఇస్తామని ఎక్కడా వాగ్దానం చెయ్యకపోవటం. (2) తెలంగాణలో బీజేపీ గాని, మిత్రపక్షం గాని లేకపోవటం.
      ఈ రెండు కారణాలవల్లా, అదీగాక వారుకోరుకున్న తెలంగాణని వారికి హైదరాబాద్ తో సహా ఇచ్చినందువల్లా కొత్త డిమాండ్లని బీజేపీ ఒప్పుకోవలసిన అవసరం లేదు (ఒక వేల ఒప్పుకుంటే బీజేపీ కి అది ప్లస్ పాయింట్ అయి ఉండేది).
      కాబట్టి మీ ప్రాంతానికి రాని/రాలేని హోదా పక్క ప్రాంతానికి కూడా అవసరం లేదని మొదటినుంచీ సన్నాయి నొక్కులు మీలాంటివాల్లు నొక్కుతూనే ఉన్నారు. ఇచ్చిన మాట నిలబెట్టుకోని ప్రభుత్వాన్ని, పార్టీని వెనకేసుకొస్తున్నారు. మిమ్మల్ని సాటి తెలుగువారిగా చెప్పుకోడానికి సిగ్గుపడుతున్నాను!

      Delete
    6. సూర్యగారూ సాటి తెలుగువారిగా తరువాత సిగ్గుపడుదురు గానీ - ప్రత్యేకహోదా అంటే జైలుకు పంపుట అని బెదిఱించినదెవరు? ప్యాకేజీ అంటే హోదాకు మించిన ప్రయోజనాలు అన్నది ఎవరు? ప్రశ్నిస్తే, బెదిరించినదెవరు?నాలుగున్నరేళ్ళు భాజపాతో కలిసి ఉండి, కేంద్రంలో మంత్రిపదవులూ అనుభవించి ఇపుడు ఎన్నికలముందు మొత్తం నెపం భాజపాపై మోపుతున్నదెవరు? ఇవన్నీ చేసేవారికి మద్దతుగా మీరు ఉండబోతున్నారంటే - మేమే కాదు, అందరు తెలుగువారూ మిమ్మల్ని చూసి సిగ్గుపడాలి.

      Delete
    7. అంటే ప్రత్యేక హోదా డిమాండ్ చేస్తే TDP ని వెనకేసుకొస్తున్నట్లా? ఇంత తెలివి ఎక్కడినుంచి వచ్చింది మీకు!!
      ఆంధ్రా లో టీడీపీ కి వేస్తారా వైసీపీ కి వేస్తారా లేక జనసేన కివేస్తారా అనేది వారివారి ఇష్టం. కాని బీజేపీ కి మాత్రం డిపాజిట్లు కూడా దక్కకూడదు. నా ఆలోచన ఇంత సుస్పష్టం.
      ఇక చంద్రబాబు పార్టీ గురించిమీరు ఆక్షేపించిన విధంగానే బీజేపీ గురించి కూడా ఆక్షేపించొచ్చు.
      5ఏళ్ళు కాదు10ఏళ్ళు హోదా ఇవ్వాలి అని మాట్లాడింది ఎవరు?ప్రత్యేక హోదా ఇవ్వొద్దని ప్రణాళికా సంఘం చెప్పిందని అంటూనే మిగతా రాష్ట్రాలకి హోదా పొడిగించింది ఎవరు. కాంగ్రెస్ చేతిలో సీబీఐ కీలుబొమ్మ అంటూనే సీబీఐ ని తమకి నచ్చినట్లు వాడుకుంది ఎవరు? గోవాలంటి రాష్ట్రాల్లో అధికారం చేజిక్కించుకునేందుకు గవర్నర్ పాటించే సంప్రదాయాన్ని మార్చింది ఎవరు. ఆ దెబ్బ తిరిగి తిరిగి తమకే కర్ణాటకలో తగిలితే నైతికతని గాలికొదిలేసింది ఎవరు?
      ఇంకా చాలా రాయొచ్చు కాని టైం వేస్టు.
      ఒక్కమాటలో చెప్పాలంటే2014లో కాంగ్రెస్ కి బీజేపీకి నైతికతలో ఉన్న వ్యత్యాసం నేడు లేదు.

      Delete
    8. మంచిది - మరి నా వ్యాసంలో నేనెక్కడ భాజపాను సమర్థిస్తూ, వారికి వోట్ వెయ్యమని అడిగానో కూడా చెప్పండి. నేను క్లియర్ గా చెప్పాను, భాజపా పరిస్థితి సున్నా సాధించడమే అని నా అంచనా అని. వీలయితే వ్యాసం మరొకసారి చదవండి. ఇక నైతికత అంటారా - అందులో భాజపా కంటే ఎక్కువగా తెదేపా దోషమే ఎక్కువ. భాజపా హోదా ఇవ్వడం సాధ్యం కాదని అన్నపుడే, బయటకు వచ్చి అప్పటికే హోదా కోసం అంటూ పోరాడుతున్న ప్రతిపక్షాలు, విద్యార్ధి/ప్రజా సంఘాలతో కలిసి ఉద్యమం చెయ్యవలసింది. అలా చేయకపోగా ప్యాకేజీకి ఒప్పుకుని, మోదీ భజన చేసి ఇపుడు తప్పంతా భాజపాదే అంటే ఎలా? అది గుర్తించకుండా మీరు కూడా మొత్తం నెపం భాజపా మీదే వేస్తున్నారు, కాదా? ఇక 5 ఏళ్ళు కాదు పదేళ్ళు అని వెంకయ్య నాయుడు గారు అంటే, చంద్రబాబు గారు పదేళ్ళు కాదు పదిహేనేళ్ళు కావాలి అని అన్నారు. ఇక గోవా, బీహార్, మహారాష్ట్ర వంటి రాష్ట్రాల్లో రాజకీయాల గురించి నేను ఆయా సమయాల్లోనే సునిశితమైన విమర్శనాత్మక వ్యాసాలూ రాశాను. నా బ్లాగ్ లో ఉంటాయి, వీలయితే చదవండి.

      Delete
    9. చర్చ మొదలైంది మీ వ్యాసం మీద కాదు నా కామెంట్ కి పెట్టిన మీ+జై ల జవాబుల దగ్గర. నా కామెంట్ లో ఎక్కడా టీడీపీ మీద అభిమానం చూపెట్టలేదు. కాని బీజేపీ ని మాట అనేసరికి పరిగెత్తుకొచ్చింది మీరు. మళ్ళీ బొడిగుండుకి మోకాలికి ముడి వేస్తోంది మీరు.

      Delete
  2. @సూర్య:

    "2014తరువాత ఆంద్రప్రదేశ్ కి ప్రత్యేకహోదా ఇచ్చేస్తే ఇవాళ గర్వంగా ఓట్లు అడగగలిగేది బీజేపీ" అని మీరు అన్నారు. నేను దీనితో విభేదించి "2014తరువాత *బీజేపీ* ఆంద్రప్రదేశ్ కి ప్రత్యేకహోదా ఇచ్చేస్తే దానికి *క్రెడిట్ తానే తీసుకొని* ఇవాళ *టీడీపీ* గర్వంగా ఓట్లు అడగగలిగేది" అన్నాను. ఈ రాజకీయపరమయిన విశ్లేషణకు మీరు నాకు ఉద్దేశ్యాలు అంటకట్టడం "debating the debater instead of issue" తప్ప ఇంకోటి కాదు.

    "వెంకయ్యనాయుడు మీదకి నెడతారేమిటి?"

    అసలు ఈ ప్రర్యేక ప్రతిపత్తి (హోదా కాదు) విషయం తెర మీద తెచ్చిందే వెంకయ్య నాయుడు. అతను గతంలో రెండు సార్లు (1999 & 2014) బీజేపీ భవిష్యత్తును టీడీపీకి తాకట్టు పెట్టి లబ్ది పొందాడు. ఇప్పుడు ఉన్నత పదవి ఎక్కాక స్పెషల్ స్టేటస్ అంశం గాలికి వదిలేసాడు. మోడీ, జైట్లీ & అమిత్ షాలను రోజూ ఆడిపోసుకునే చంద్రబాబు వెంకయ్యను పల్లెత్తు మాట అనకపోవడం ఏమిటి?

    గరుడ శివాజీ లీకులకు సూత్రం వెంకయ్య నాయుడే అన్నది బహిరంగ రహస్యం. ఉన్నత రాజ్యాంగ పదవిలో ఉంది ఈ చౌకబారు ట్రిక్కులు ఎందుకు?

    ReplyDelete
    Replies
    1. Sorry. మీరు చెప్పే అటకబుర్లు నేను వినదల్చుకోలేదు మిస్టర్ జై.
      శివాజీ చెప్పే విషయాలు నేను పట్టించుకోను. ఇక్కడ నాకు టీడీపీ ముఖ్యం కాదు. ప్రత్యేక హోదా ముఖ్యం

      Delete
    2. Soorya garu, that is what he is also saying. SCS was sidelined because of Venkaiah Naidu and CBN. Yes, I totally agree with you that SCS is very much important. And, at the same time we must point out that TDP is the party who played spoilsport in this as they agreed for Special Package. If TDP did not agree for package and supported the movement for SCS by opposition and other independent bodies then SCS would have been a reality. Instead, CBN diluted the movement and warned who took the movement, then just before the elections he took it again as he is facing negative signals. This is the fact. Just blaming BJP doesn't look good and the key player in this game who made it difficult n bad for AP is TDP. Hope you got what I am saying ...

      Delete
    3. WHATEVER SAID ABOVE IS TRUE AND REALISTIC. WHOEVER SAYS THAT TDP IS RIGHT AND CAPABLE OF RUNNING THE STATE, SAY SO WITH A MERE PARTISAN ATTITUDE. I WONDER HOW THEY CONVENIENTLY FORGET MR. CBN'S ATTITUDE DURING HIS PARTNERSHIP WITH BJP. ALL THE FOUR YEARS THE TDP MINISTERS WERE SITTING IN THE CABINET MEETINGS SIMPLY KEEPING SILENT, NEVER RISING THE ISSUE OF SCS IN THERE. WEREN'T THEY? HOW CAN ANYBODY JUSTIFY THAT? AND THE GREAT CBN - DIDN'T HE SAY "HODA YEMANNA SANJIVANA? SHOW ME A STATE WHICH GOT BENEFITED BY THE SCS?" (YOU JUST HAVE TO SEE HIS FACIAL EXPRESSIONS WHILE SPEAKING THOSE WORDS - AND THAT EXPLAINS EVERYTHING, IF ANYBODY HAS ANY DOUBTS). AND HOW COULD BE SUPPORTERS OF HIM JUSTIFY HIS ACTIONS OF PUTTING THE PEOPLE WHO WERE AGITATING FOR SCS, IN JAIL?
      SADLY, PEOPLE HAVE DRAWN LINES AND REFUSE TO APPLY LOGIC, WHEN IT COMES TO SEE THE TRUTH. IT DOESN'T NECESSARILY MEAN, OPPOSING CBN IS AUTOMATICALLY SUPPORTING YCP OR JAGAN. THE REALITY OF THE DAY IS "MUNDU NUYYI VENAKA GOYYI". ANTE. SINCE WE HAVE ALREADY SEEN THE RULE OF NUYYI, WHY SHOULDN'T WE GIVE A CHANCE TO GOYYI? AND WHAT MORE IS THERE TO LOSE AFTER WHATEVER TINY IS REMAINING THERE AT ALL?

      Delete
  3. ఉన్నత రాజ్యాంగ పదవిలో ఉంది ఈ చౌకబారు ట్రిక్కులు ఎందుకు?

    ఆయనగారికి అతి తెలివి ఉంది కనుకనే ఎందుకూ పనికిరాని ఆ పదవిలో పడేసారు.

    ReplyDelete

Post a Comment

Popular posts from this blog

వంశీ వ్యూ పాయింట్ - అరవింద సమేత వీర రాఘవ

... తెలుగోడి శతృవు

... వోటింగ్ అయ్యాక