వంశీ కలుగోట్ల - కథలు, వ్యాసాలు

వంశీ కలుగోట్ల // ... పోరాడమని చెప్పండి // ****************************** ******* 'ఆ గొంతు, ఆకారం - వీడేంటి, హీరో ఏంటి?' అని చీత్కారాలెదుర్కొన్న వ్యక్తి ఇవాళ ఒక స్ఫూర్తివంతమైన నటుడు, తిరుగులేని మెగాస్టార్ అయ్యాడు. ఒక దిగ్గజంగా వెలుగుతున్న అమితాబ్ బచ్చన్ అయ్యాడు. అతడిప్పుడు భారతీయ సినీ రంగానికి భీష్ముడు లాంటి వ్యక్తి.  'ఈ ... మొఖపోడికి హీరో అవకాశం ఇవ్వాలంట, అది కూడా నా సినిమాలో' అని ఛీత్కారం చేసిన దర్శకాగ్రేసరుడే, తన కాల్షీట్స్ కోసం వారం రోజులు తిరిగే స్థాయికి ఎదిగాడు చిరంజీవి. తెలుగు సినిమా గతిని మార్చిన మెగాస్టార్ గా ఇంకా వెలుగొందుతున్నాడు.  అనిల్ కపూర్, షారుఖ్, , ఆమీర్, సల్మాన్, హృతిక్ లాంటివారందరూ అవమానాలు, తిరస్కారాలు ఎదుర్కోలేదా? రజనీకాంత్, అర్జున్, అజిత్, విక్రమ్, రవితేజ, నాని, వీడి కొండా లాంటివారు అవమానాలు, తిరస్కారాలు ఎదుర్కోలేదా? (ఇక్కడ పేర్లు ప్రస్తావించబడని అనేకమంది కూడా) బంధుప్రీతి (నెపోటిజం) ఖచ్చితంగా ఉంది, ఉంటుంది కూడా అది బాలీవుడ్ అయినా, టాలీవుడ్ అయినా? మరింకో వుడ్అయినా. మనకు పెద్దగా పరిచయం లేదు కానీ హాలీవుడ్ లో కూడా ఎంతోకొంత స్థాయిలో ఖచ్చితంగా ఉంటుంది. వి

వంశీ కలుగోట్ల // ...  చచ్చేవాడిది, బ్రతకలేని భయం // ********************************************** అందరికీ భయాలుంటాయి కానీ ఒక్క క్షణపు ఆలోచన ... కాసింత ధైర్యం కొందరిని బ్రతుకువైపు నడిపిస్తుంది మరికొందరిని చావువైపుకు తోస్తుంది బ్రతికేవాడిది ... చావలేని భయం  చచ్చేవాడిది ... బ్రతకలేని భయం                డిప్రెషన్ - ఇదేమీ కొత్తపదం కాదు. ప్రపంచవ్యాప్తంగా ప్రతి సంవత్సరం అనేక జీవితాలను బలితీసుకునే జబ్బు. డిప్రెషన్ కు అనేక రకాల కారణాలు ఉండవచ్చు. కొంతమంది డాక్టర్స్ చెప్పేదానికి ప్రకారం చాలాసార్లు డిప్రెషన్ అనేది బయటి సంఘటనలతో సంబంధం లేకుండా మెదడులో న్యూరో ట్రాన్స్మిషన్ లో జరిగే మార్పుల వల్ల రావచ్చు. అలాగే జీవితంలో జరిగే పలు ఘటనలు కూడా డిప్రెషన్ కు కారణం కావచ్చు. ఏ దశలో లేదా ఎలాంటి వ్యక్తులు డిప్రెషన్ కు లోనవుతారు అన్నదానికి స్పష్టమైన సమాధానం ఇవ్వడం కష్టమేనేమో. డబ్బు, హోదా, ఆనందాలు అన్నీ ఉన్నాయి అని మనం అనుకునే ప్రముఖుల జీవితాలు ఈ డిప్రెషన్ కారణంగా ఒక చిన్న రాయి తగిలి పగిలిపోయిన అద్దాలమేడలా కూలిపోవడం పలు ఘటనల్లో చూశాం. సైకియాట్రిస్ట్ ను కలవగలిగేంతటి పరిజ్ఞానం ఉండీ, అందుకు కావలసినంత ఖర్చు పెట్టుక

వంశీ కలుగోట్ల // ... మరి మీరేం చేశారు // ************************************* ఒక టీచర్ సోనూ సూద్ ను ఉదాహరణగా చూపుతూ, మిగతా నటీనటులందరినీ తిట్టాడు ... 'మీ టీచర్స్ గ్రూప్ లో, నీ పై లేదా క్రింది స్థాయి ఉద్యోగులలో ఎంతమంది సాయం చేశారు' అని అడిగామనుకోండి 'అది వేరు ఇది వేరు. మేమేం కోట్లు సంపాదించట్లేదుగా' అని సమాధానం వస్తుంది  మరి పిల్లలకు చెప్పే పాఠంలో 'Every little helps' అని చెప్తావ్ కదా అంటే మౌనం * ఒక టీచర్ అనే కాదు - ఒక బ్యాంకు ఎంప్లాయ్, ఒక రెవిన్యూ ఉద్యోగి, ఒక సాఫ్ట్వేర్ ఇంజనీర్, ఒక వ్యాపారి ఇలా పలు రంగాల వారు ఇలానే అంటున్నారు. సోనూ సూద్ ను చూపడం, మిగతా అందరినీ, మరీ ప్రత్యేకించి తెలుగు నటులను తిట్టటం. మరి మీరేం చేశారు అంటే అధికుల వద్ద సమాధానం ఉండదు, సరే వారిలో ఎవరో ఒకరు చేతనైనంత చేశారనుకుందాం - మరి వాళ్ళ రంగంలో మిగతావాళ్ళెందుకు చెయ్యలేదు అంటే "అది వాళ్ళ ఇష్టం అండి. సాయం చెయ్యమని వాళ్ళను బలవంతం చెయ్యలేం కదా" అంటారు. ఇక్కడ నటులను మాత్రం వారు చేసిందానికన్నా, ఇంకా ఎక్కువ చేయలేదెందుకని తిడతారు. సోనూ సూద్ స్వయంగా చెప్పినట్టు, వలస కార్మికుల కష్టాలతో తన అనుభవా

వంశీ కలుగోట్ల // ... చైనా వస్తుబహిష్కరణ సాధ్యమయ్యేదేనా? // ******************************************************             కరోనా వైరస్ ను ల్యాబ్ లో పుట్టించారో లేక అది జంతువుల నుండి వ్యాపించిందో అన్నదాని మీద పలురకాల కథనాలు ఉన్నాయి, కానీ ఆ వైరస్ చైనా నుండి ప్రపంచానికి వ్యాపించింది అనడంలో మాత్రం ఎటువంటి సందేహమూ లేదు. దానితో పాటు, ఈ సమయంలో సరిహద్దుల్లో చైనా కవ్వింపు చర్యలకు పాలపడటం జరుగుతోంది. ప్రత్యేకించి ఈ రెండు ఘటనలూ 'చైనా వస్తు బహిష్కరణ' అన్న అంశాన్ని మరొకసారి దేశభక్తుల మదిలోనుండి మాటల్లోకి వెలిగక్కాయి. చైనా తయారీ వస్తువులను బహిష్కరించడం ద్వారా చైనా ఆర్థికమూలాల మీద దెబ్బకొట్టడం, తద్వారా చైనాను భయపెట్టటం అన్నది ఈ చర్యల పరమోద్దేశం. అయితే అది సాధ్యమా? చైనా వస్తువులు కొనడం మానితేనే దేశభక్తి ఉన్నట్టు అనే భావాన్ని వ్యాప్తి చెయ్యటం ఒక అంటువ్యాధిలా వ్యాపిస్తోంది. ఈ తీరు ఎలా ఉందంటే, రోగం ఉన్నది తలలో అయితే మందు మోకాలికి వేస్తున్న చందాన ఉంది.             కొన్ని వాస్తవాలు పరిశీలిస్తే ... ఒక అంచనా ప్రకారం మన దేశపు కంపెనీల పేర్లతో అమ్ముడయ్యే వస్తువుల్లో దాదాపు 75% పైగా చైనా తయారీవే. అంటే

వంశీ కలుగోట్ల // "... సంస్కారి సరసం"  అనబడు గొప్ప రొమాంటిక్ చిత్రం/కథ // ****************************** ****************************** ****** అతడు అతడే  ఆమె ఆమే  అవును వాళ్ళిద్దరూ ప్రేమించుకున్నారు  కానీ ఆమె తండ్రి, అతడి తల్లి వారి ప్రేమను ఒప్పుకోలేదు.  అయినప్పటికీ ప్రేమకు ధైర్యం ఎక్కువ కాబట్టి, వారు రహస్యంగా, కరోనా నిబంధనలకు అనుగుణంగా భౌతిక దూరం పాటిస్తూ కలుసుకునేవారు.  ఒకరోజు ఆమె ఒక చిన్న కోరిక కోరింది   ఆమె: ఏమోయ్ నన్ను అంతగా ప్రేమిస్తున్నానంటావు కదా, నా మీద ఏదైనా కవితలాంటిది రాయొచ్చుగా అతడు: నీ పరోక్షంలో విరహంతో నిశ్శబ్దమవుతాను, నీ సమక్షంలో స్వాంతన పొందుతూ ప్రేమను అనుభవిస్తాను. ఇక రాయడానికి ఏం మిగిలుంటాను? ఆమె: ఈ మాటలకేం తక్కువలేదులే, ప్లీజ్ రా ఏదైనా కనీసం ఒక డైలాగు లాంటిది అతడు: తప్పదంటావా ఆమె: ప్లీజ్ ప్లీజ్ ప్లీజ్ ... (ఇక్కడ సెన్సార్ నిబంధనలకు అనుగుణంగా వారి ముద్దును కవర్ చేస్తూ పూవులు ఊపబడతాయి) అతడు: సరే ... అయితే ఇదిగో ఇది నీ కోసమే - "మదీయ మది తమరి తలపులతో తన్మయమందుచున్నది సుకుమారలావణ్యలతాతన్వి సమానిత సుందరీ మా హృదయేశ్వరీ. ఏమీ ఏమేమీ ఆ సౌందర్యము ... పెనుగాలికి వణు