Posts

Showing posts from March, 2019

... ఇవాళ్టి రాజకీయాల్లో నేరారోపణలు

వంశీ వ్యూ పాయింట్ // ... ఇవాళ్టి రాజకీయాల్లో నేరారోపణలు //  ***************************************************************             రాజకీయాల్లో నేరారోపణలు అన్నది ఒక రకంగా క్లిష్టమైన అంశం - ఎందుకంటే ఇవాళ రాజకీయాలు పూర్తిగా భ్రష్టు పట్టిపోయాయి. కేవలం అవినీతి అన్నది ఒక్కటే అంశం కాదు ఇపుడు. కేసుల విషయం అంటే - అవతలి వ్యక్తిని దెబ్బ తీయటానికి, ఇవతలి పక్షం వారు లేదా అధికారంలో ఉన్నవారు ఏదో ఒక కేసు పెట్టి, అధికార వ్యవస్థలను మేనేజ్ జైలు లో ఉంచవచ్చు. అతగాడి మీద నిజంగానే అబద్ధపు ఆరోపణలు చేయబడి ఉండవచ్చు, కొన్నాళ్ళ తరువాత అవి నిక్కంగా అబద్ధం అని తేలితే? మనం నమ్మే పరిస్థితుల్లో లేము ఎందుకంటే, ఇపుడు మనమెవరమూ నిజాయితీగా లేము, పార్టీలను/వ్యక్తులను అభిమానించే వారిగా విడిపోయాము. నిందారోపణలు నిరూపించబడి, శిక్షను అనుభవించిన (శిక్షకు, నిర్బంధానికి తేడా తెలుసుకోవాలి) వారిని కూడా అభిమానిస్తున్న రోజులివి. రేప్పొద్దున ఇవాళ సచ్చిలుడుగా పేరొందిన వారు ఎవరైనా, నిందలు నిరూపింపబడి జైలుకెళ్ళినా అది మనం రాజకీయ కక్ష సాధింపుగానే చూస్తాం. ఎందుకంటే సాధారణంగా ప్రతిపక్షంలో ఉన్నవారు లేదా అధికార పార్టీకి ఎదురు తిరిగిన

... ఆయన ఏదో ఒకటి చేస్తారు

వంశీ వ్యూ పాయింట్ // ... ఆయన ఏదో ఒకటి చేస్తారు // *********************************************************             "ఆయన ఏదో ఒకటి చేస్తారు" - తెదేపా శ్రేణులలో ఒక నమ్మకం, వైరి వర్గాలలో ఎక్కడో చిన్న కలవరం, రెండు వర్గాలకూ చెందనివారి ఉత్సుకత. ఇదంతా, చంద్రబాబు 'అపర చాణక్యం, వ్యూహ చాతుర్యం, అపార అనుభవం' వంటివాటి మీద ఉన్న నమ్మకంతో పాటు, గత సంఘటనల అనుభవం. అందుకే, ఆధిక్యతను సంబంధించిన అధికారిక సమాచారం అధికారికంగా అందేవరకూ వైఎస్సార్సీపీ కానీ, ఇతరులు కానీ పూర్తి దృఢంగా 'విజయం మాది' అని చెప్పలేని ఒక చిన్న సంశయం. ఇదంతా ఎవరి గురించో ప్రత్యేకించి చెప్పనవసరం లేదు. కౌటిల్యుడంతటి వాడు అని అభిమానించేవారు; కుటిల వ్యూహాల నాయకుడు అని వ్యతిరేకించేవారు ఎవరికి తోచిన భాష్యం వారు చెప్పుకోవచ్చు గాక - తెలుగు నేలపై ఆధునిక రాజకీయాలలో చంద్రబాబునాయుడు గారి ప్రభావం ఎవరూ కాదనలేనిది. ఆధునిక రాజకీయాలలో, కేవలం గెలుపు మాత్రమే లక్ష్యంగా గొప్ప వ్యూహాలైనా లేక దిగజారుడు చర్యలైనా ఏవైనా సరే చేయటానికి ఆయన సిద్ధం - ఎందుకంటే ఆయనకు గెలుపు మాత్రమే లక్ష్యం.              ప్రస్తుతం జరుగుతున్న ఎన్ని

... ఆ ముగ్గురి గురించి

వంశీ వ్యూ పాయింట్ // ... ఆ ముగ్గురి గురించి //  *************************************************             ఇపుడు మన రాష్ట్ర రాజకీయాలు ముగ్గురు వ్యక్తుల చుట్టూతా తిరుగుతున్నాయి. అందులో ఇద్దరు అంతర్గత లేదా లోపాయికారి ఒప్పందాలతో ఒకే జట్టని ఆరోపణలు, నిదర్శనాలు ఉన్నప్పటికీ. అందరికీ తెలిసిన ఆ ముగ్గురు చంద్రబాబు నాయుడు, జగన్మోహన్ రెడ్డి, పవన్ కళ్యాణ్. మనం మామూలుగా చెప్పుకుంటుంటాం ప్రతి ఒక్కరిలో మంచి, చెడు ఉంటాయిరా అని. ఈ ముగ్గురు కూడా ఆ నానుడికి అతీతం కాదు. నా దృక్కోణంలోంచి ఆ ముగ్గురిలో నాకు నచ్చిన, నచ్చని అంశాల విశ్లేషణ ఈ వ్యాసం. ఎవరూ భుజాలు తడుముకోవాల్సిన అవసరం లేదు, తప్పుబట్టవలసిన అవసరం లేదు - ఇది నా అభిప్రాయం, మీకు తప్పనిపిస్తే ఎందుకు తప్పనిపించిందో చెప్పవచ్చు. అభిప్రాయాలు మారుతుంటాయి - జరిగే సంఘటనలు, కలిగే అనుభవాలు, తెలుసుకునే విషయాల వల్ల మనమూ అభిప్రాయాలు మార్చుకున్నవాళ్ళమే, ఇకమీదట కూడా మార్చుకుంటాం. కాబట్టి, నా అభిప్రాయాలతో మీరు ఏకీభవించకపోతే మీ అభిప్రాయం చెప్పవచ్చు. నా అభిప్రాయం తప్పు లేదా ఒప్పు అన్నది ఇక్కడ చర్చాంశం కాదని గమనించగలరు.  *            *            *          

... అనుభవం

వంశీ వ్యూ పాయింట్ // ... అనుభవం //  ****************************************             రాజకీయాల్లో 'అనుభవం' అన్నమాట వింటుంటే నాకు ఒక ఘటన గుర్తొస్తోంది. దాదాపు పదిహేనేళ్ళ క్రితం జరిగిన ఘటన ఇది. నా మిత్రుడొకరు ఏదో పండగకు ఊరికి వెళ్ళాడు. అప్పటికే రెండు సంవత్సరాలనుండి ఒక పెద్ద ఎమ్మెన్సీ లో మంచి ఉద్యోగం చేస్తున్నాడు మావాడు. ఇంట్లో పెళ్ళిసంబంధాలు చూస్తున్నారు. మా వాడు ఊరెళ్ళి, ఇంట్లో అడుగుపెట్టే సమయానికి ఎవరో ఒక తెలిసినావిడ వాళ్ళింట్లో ఉందట. ఆవిడ పెళ్ళిసంబంధాలు చూసే మధ్యవర్తి కూడానట. మావాడు కాస్త ఫ్రెష్ అప్ అయ్యి వచ్చాక, ఆవిడ ఇంటర్వ్యూ మొదలైంది. అన్ని వివరాలు కనుక్కున్నాక, అయ్యో ఒక మంచి సంబంధం ఉంది కానీ, సెట్ అవదు అన్నదట. ఎందుకూ అంటే 'ఏం లేదు బాబూ, ఆ అమ్మాయికి కనీసం నాలుగేళ్ళ ఎక్స్పీరియన్స్ ఉన్నవాళ్ళు కావాలట. నీకేమో రెండు సంవత్సరాల ఎక్స్పీరియన్స్ మాత్రమే ఉంది కదా, కాబట్టి ఆ అమ్మాయి ఒప్పుకోదు లేకపోతే మంచి సంబంధం బాబూ' అన్నదట.                మరి ఆ అమ్మాయి కోరుకున్నంతటి ఎక్స్పీరియన్స్ ఉన్న వ్యక్తి దొరికాడో లేదో తెలియదు కానీ, మావాడు మాత్రం ఇపుడు బాగా అంటే బాగా సెటిల్ అయ

... 2019 ఆంధ్రప్రదేశ్ ఎన్నికలు - వైఎస్సార్సీపీ

వంశీ వ్యూ పాయింట్ // ... 2019 ఆంధ్రప్రదేశ్ ఎన్నికలు - వైఎస్సార్సీపీ // *******************************************************************             2019 ఎన్నికల సందర్భంగా వివిధ రాజకీయ పక్షాల అవకాశాల గురించి రాస్తానని చెప్పాను - ఒక్క వైఎస్సార్సీపీ తప్పించి మిగతా పక్షాల అవకాశాల గురించి నా దృక్కోణంలోంచి విశ్లేషణ చేస్తూ, వివరణ ఇస్తూ వ్యాసాలు రాశాను. ఇక ఇది చివరిది - ఇందులో వైఎస్సార్సీపీ అవకాశాల గురించి ప్రస్తావిస్తాను. ఇప్పటికే రాసిన మిగతా వ్యాసాలు చదివిన వారికి స్పష్టంగా అర్థమయ్యేదేమిటంటే - ఈసారి వైఎస్సార్సీపీ ప్రభుత్వం ఏర్పాటు చేసే అవకాశాలు సుస్పష్టంగా ఉంన్నాయి అన్నది నా అంచనా. పలు జాతీయ, స్థానిక సర్వేలు కూడా అదే విషయాన్ని ప్రస్తావించాయి. నేను వారి స్థాయిలో సర్వేలు అవీ ఏమీ చెయ్యలేదు. నా పరిధిలో, తెలుసుకున్న విషయాలను సమీక్షించుకుని అంచనాలను ఏర్పరచుకున్నాను. వైఎస్సార్సీపీ అవకాశాలను గురించి చర్చించుకునే ముందు - కొన్ని అంశాలను ప్రస్తావించుకోవాలి.               ముందుగా తెదేపా మరియు వారి పక్కవాయిద్యాలు ప్రచారం చేస్తున్న జగన్ పై కేసులు, గత రెండు సంవత్సరాలుగా శాసనసభ సమావేశాలకు హాజరు

... 2019 ఆంధ్రప్రదే ఎన్నికలు - తెదేపా

వంశీ వ్యూ పాయింట్ // ... 2019 ఆంధ్రప్రదేశ్  ఎన్నికలు - తెదేపా //  *******************************************************************             పార్టీ ఆవిర్భవించిన నాటినుండి, అత్యధిక కాలం పాలనలో ఉన్న ప్రాంతీయపార్టీలలో తెదేపా మొదటివరుసలో ఉంటుందేమో. అటువంటి తెదేపా, గతంలో ఎన్నడూ లేనటువంటి ఒక సంక్లిష్ట పరిస్థితిని ఎదుర్కుంటోంది ఇపుడు. ఇపుడు తెదేపాను పట్టిపీడిస్తున్న దిగులు చంద్రబాబు తరువాత ఎవరు? అని. ఎన్టీఆర్ సమయంలో ఆ ఆలోచన రాకముందే, చంద్రబాబు వెన్నుపోటుతో పార్టీని తన చేతుల్లోకి తెచ్చుకోవడంతో ఇక ఆ ప్రశ్నకు స్థానం లేకపోయింది. ఇపుడు చంద్రబాబు గారి పుత్రరత్నం లోకేష్ బాబు గారి సమర్థత జగద్వితం కాబట్టి, పార్టీని మళ్ళీ నందమూరి వంశం చేతుల్లో పెట్టె ఉద్దేశం లేకపోబట్టి (జూ ఎన్టీఆర్ లాంటి ఆకర్షక, సమర్థవ్యక్తులకు) ఈ ఎన్నికలు తెదేపాకు ఒకరకంగా జీవన్మరణ సమస్యలాంటివి. సరే, ఆ భయాలు పక్కనబెట్టి ఈ ఎన్నికల్లో తెదేపా అవకాశాలు పరిశీలిద్దాం. ఈ ఎన్నికల్లో తెదేపాకు ఉన్న ప్రధాన బలాలు పరిశీలిస్తే - ఆర్థికపుష్టి, అధికార వర్గాలను చెప్పుచేతల్లో పెట్టుకోవడం, అనేక కీలక/ప్రభావిత పదవుల్లో తమ వర్గం వారిని నియమించుక

... పవన్ రాజకీయం

వంశీ వ్యూ పాయింట్ // ... పవన్ రాజకీయం //  ***********************************************             2009 ఎన్నికలప్పుడు చిరంజీవి ప్రజారాజ్యం పార్టీ పెట్టి, ఎన్నికలకు సిధమైనపుడు - మొదట చాలామంది జనాలు వైఎస్, సిబిఎన్ తరహా కాకుండా కాసింత కొత్త తరహా మరియు నిజాయితీతో కూడిన రాజకీయం చూడవచ్చని ఆశపడ్డారు. కానీ, ఎప్పుడైతే చిరంజీవి కూడా తెదేపా, కాంగ్రెస్ వంటి పార్టీలనుండి వచ్చిన నేతలకు, అక్రమార్కులుగా పేరు పెద్దవారికి టికెట్స్ ఇవ్వడంతో పాటు - అల్లు అరవింద్ ఆధ్వర్యంలో సినిమా వ్యాపారం తరహాలో చేయడంతో ఆశలు ఆవిరైపోయాయి. అక్కడికీ, చిరంజీవిని అభిమానించేవారితో పాటు ఇతరులను వ్యతిరేకించేవారు కూడా కాసింత నమ్మకం చూపడంతో దాదాపు 19% వోట్లు, 18 సీట్లు సాధించగలిగారు. వైఎస్ మరణానంతరం ఉన్న పరిస్థితిని తనకు అనుకూలంగా మలచుకోలేక, కాంగ్రెస్ లో కలిసిపోయి, కేంద్ర రాజకీయాలకు వెళ్ళిపోయారు. చిరంజీవి పరంగా చూస్తే కొన్నేళ్ళు సినిమారంగానికి దూరం కావడం తప్పించి పెద్దగా కోల్పోయిందేమీ లేకపోవచ్చు. కానీ, కాంగ్రెస్ లో విలీనం వంటి చర్యలతో మరో కొత్త పార్టీని నమ్మడం అన్నదాన్ని అనుమానాస్పదంగా చేసి వెళ్లిపోయారు చిరంజీవి. ఆ గాయం మా

... నాన్న గురించి

వంశీ కలుగోట్ల // ... నాన్న గురించి //  ************************************ గమనిక: ముందుగా - ఇది పూర్తిగా నా స్వవిషయం, మా నాన్నగారి గురించి. కాబట్టి, చదివాకా గొప్పలు చెప్పుకున్నారనో, స్వోత్కర్ష అనో అనుకుంటే తప్పు నాది కాదు. చెయ్యనివేవీ చెప్పుకోలేదు ఎపుడూ, ఇదీ అంతే. ఇందులో ప్రస్తావించబడినవన్నీ వాస్తవాలే - ఇపుడు నా ఫ్రెండ్ లిస్ట్ లో ఉన్న ఒకరిద్దరు సీనియర్స్ కి ఆ విషయం తెలుసనే అనుకుంటున్నాను. మరోటి - ఇందులో రాజకీయాలేం లేవు. రాజకీయాలకు నాన్న ఎపుడూ దూరంగానే ఉండేవారు. తాత సుందర రావు గారి వారసత్వాన్ని రాజకీయాల్లో కొనసాగించి ఉంటే ఎలా ఉండేదో కానీ, ఇష్టం లేకో మరోటో ఎపుడూ రాజకీయాల వైపు చూడలేదు.              1960 లలో వచ్చిన తియ్యటి మనసున్న మనుషుల్లాంటి ఒక చిత్రం, తెలుగు చిత్రసీమకు ఒక తిరుగులేని తారను అందించింది. ఆయన నిలబడిపోవటమే కాక, వారసులూ తిరుగులేని తారగానే ఉన్నారు ఇపుడు. ఆ చిత్రంలో ఆయన స్థానంలో మొదట ఎంపికయ్యింది మా నాన్న కలుగోట్ల విజయాత్రేయ గారు. కానీ, ఆ ఎంపిక జరిగిన తరువాత అనుకోని ఒక ఆక్సిడెంట్ లో కుడిచేతి నాలుగు వేళ్ళూ కోల్పోయారు. అంతేకాదు, ఆ చిత్రం ద్వారా పరిచయమైన ఇద్దరు హీరోలలో,

నోటాకు వోట్ వేయాలనుకునే ముందు ...

వంశీ వ్యూ పాయింట్  // నోటాకు వోట్ వేయాలనుకునే ముందు ... // ********************************************************************             ప్రస్తుత రాజకీయ పార్టీలు, అభ్యర్థుల తీరుతో విసిగిపోయినవారికి; అలాగే సరైన లేదా బలమైన స్వతంత్ర అభ్యర్థి లేనివారికి 'నోటా' ఒక సదావకాశంగా కనబడవచ్చు ... కానీ, 'నోటా'కి వోట్ వెయ్యడం ద్వారా ప్రస్తుత రాజకీయాలను తిరస్కరించామని బలంగా చెప్పగలిగాం అని తృప్తి పడవచ్చనుకునే అల్పసంతోషులకు, అసలు నోటా కి వోట్ వెయ్యడం వలన ఏం జరుగుతుందో అవగాహన ఉందా అన్నది ప్రధానమైన ప్రశ్న.              నోటా విధి విధానాలు సరియైన రీతిలో లేనంతవరకూ అది ఒక అనవసర ఖర్చు కాగల అంశంగా మిగిలిపోగలదన్నది నా వ్యక్తిగత అభిప్రాయం. ఒకవేళ ఏదైనా ఒక నియోజకవర్గంలో నోటా అధికంగా వచ్చి, మళ్ళీ ఎన్నికలు పెట్టాల్సి వచ్చిన పరిస్థితుల్లో ఏమి చేస్తారు? నోటా అధికంగా వచ్చాయి అంటే అక్కడ అన్ని పార్టీలను నిరాకరించారని కదా.  -> మరి తదుపరి జరుపబోయే ఎన్నికలలో ఆయా పార్టీల తరఫున అభ్యర్థులు పోటీ చెయ్యకుండా నిబంధనలు విధించగలరా? -> తిరస్కరించబడిన ప్రధాన పార్టీల అభ్యాతులు స్వతంత్ర అభ్యర్థుల

... సర్వేలు - వ్యూహాలు

వంశీ వ్యూ పాయింట్ // ... సర్వేలు - వ్యూహాలు // *************************************************             ఇప్పటిదాకా వెలుగు చూసిన సర్వేలన్నీ పార్టీలు, పార్టీ అధినేతల ఇమేజ్ ఆధారంగా జరిగినవే తప్ప స్థానిక నేతలను అనగా పోటీ చేయబోయే అభ్యర్థులను పరిగణనలోకి తీసుకోలేదన్నది నా అభిప్రాయం. పార్టీలకు అతీతంగా ప్రభావం చూపగల, గెలవగల నేతలు అనేకులు ఉన్నారు. ఇప్పటివరకూ వెలుగు చూసిన సర్వేలలో దాదాపు 90% ఒకవైపే మొగ్గు అని తెలుపుతున్నాయి. ఆ అంచనాలలో పెద్దగా తేడా ఉండకపోయినా, ఆధిక్యత విషయంలో ఒక పది లేదా పదిహేను అటూఇటుగా ఉండవచ్చు అని నా అంచనా. ఇక అంచనాల విషయానికి వచ్చాం కాబట్టి, ఇటీవలే ముగిసిన తెలంగాణ ఎన్నికలలో తెరాస అధినేత కెసిఆర్ అనుసరించిన వ్యూహం గురించి ప్రస్తావించుకుందాం.              తెలంగాణ ఎన్నికలలో తెరాస అధినేత కెసిఆర్ కాసింత భిన్న వ్యూహం అనుసరించారని చెప్పవచ్చు. ఆయన అనుసరించిన వ్యూహాలతో ప్రధానమైనవి - తెరాస ఇమేజ్ తెరాస ఎమ్మెల్యేలకన్నా/నాయకులకన్నా గొప్పగా ఉందని అర్థం చేసుకొని టికెట్స్ ఇవ్వడం, తెదేపా - కాంగ్రెస్ పొత్తును హైలైట్ చెయ్యడం (ఇది ఆ రెండు పక్షాలను దారుణంగా దెబ్బతీసిందన్నది పరిశీలకు

... 2019 ఆంధ్రప్రదేశ్ ఎన్నికలు - భాజపా మరియు ఇతరులు

వంశీ వ్యూ పాయింట్ // ... 2019 ఆంధ్రప్రదేశ్ ఎన్నికలు - భాజపా మరియు ఇతరులు // **************************************************************************************             రాబోయే ఆంధ్రప్రదేశ్ ఎన్నికలలో రాజకీయ పార్టీల అవకాశాల గురించి నేను రాస్తున్న నా వ్యూ పాయింట్ వ్యాసాలలో ఇది నాలుగవది. ఇంతకుముందు వామపక్షాలు, కాంగ్రెస్ మరియు జనసేన అవకాశాల గురించి విశ్లేషించాను. ఇందులో భాజపా మరియు ఇతరుల అవకాశాల గురించి, తరువాత తెదేపా మరియు వైకాపా అవకాశాల గురించి విశ్లేషిస్తాను. ముందుగా కేంద్రంలో  ఉండటమే కాకుండా, దేశంలోనే అతిపెద్ద పార్టీగా (పార్లమెంట్ సభ్యుల సంఖ్యాపరంగా) ఉన్న భాజపా స్థాయి దక్షిణాదిన (ఒక్క కర్ణాటకను మినహాయిస్తే) ఏమిటన్నది ప్రత్యేకించి చెప్పవలసిన పనిలేదన్నది నా అభిప్రాయం. గతంలో (సమైక్యాంధ్రలో) చెప్పుకోదగిన స్థాయిలో ఎమ్మెల్యే మరియు ఎంపీ స్థానాలున్నప్పటికీ సొంతంగా ఎదిగే ప్రయత్నం చేయకుండా, తెలుగుదేశానికి తోకలా ఉండిపోవటమన్నది భాజపా ఆంధ్రప్రదేశ్ లో చేసిన చారిత్రక తప్పిదం. దానికి కారణం వెంకయ్య నాయుడు లేదా మరొకరు కావచ్చు, కానీ ఇపుడు దాదాపు ఉనికి కోల్పోయే పరిస్థితికి వచ్చిందన్నది సత్యం. 

... 2019 ఆంధ్రప్రదేశ్ ఎన్నికలు - జనసేన

వంశీ వ్యూ పాయింట్ // ... 2019 ఆంధ్రప్రదేశ్ ఎన్నికలు - జనసేన //  *******************************************************************             రాబోయే సార్వత్రిక ఎన్నికలలో ఎవరెవరి అవకాశాలు ఎలా ఉండబోతున్నాయో నా వ్యూ పాయింట్ లో నేను రాస్తున్న సిరీస్ లో ఇది మూడవది - ఇందులో జనసేన అవకాశాల గురించి. జనసేన పేరు అందరికీ తెలిసినా ఇప్పటికీ చాలామందికి అర్థం కానీ విషయం - ఎన్నికల్లో పోటీ చేస్తుందా? లేదా? అన్నది. పోటీ చేస్తుందనే అభిప్రాయంతోనే మనం ఈ వ్యూ పాయింట్ లో చర్చిద్దాం. పవన్ కళ్యాణ్ 'జనసేన' విషయానికి వస్తే, 2014 ప్రాంతంలో 'ఇల్లేమో దూరం, దారంతా చీకటి...' అంటూ మొదలుపెట్టిన ఈ 'జనసేన'ను ఇన్నాళ్ళూ సరైన దారిలోకి తీసుకుపోలేకపోయారు. ఇప్పటికీ తెదేపా పక్క వాయిద్యంగా మాత్రమే గుర్తించబడి, తన అస్థిత్వాన్ని చూపుకోవటానికి నానాపాట్లూ పడుతున్నారు.              జనసేన అవకాశాల గురించి చర్చించుకునే ముందుగా కొన్ని ముఖ్యమైన అంశాల గురించి ప్రస్తావించాలి. అవి ...  -> పవన్ కళ్యాణ్ తీరు: జనసేన వరకూ అన్నీ పవన్ కళ్యాణ్ మాత్రమే కాబట్టి, జనసేన అవకాశాలు మొత్తం కేవలం పవన్ కళ్యాణ్ తీరుపైన

... 2019 ఆంధ్రప్రదేశ్ ఎన్నికలు -కాంగ్రెస్

వంశీ వ్యూ పాయింట్ // ... 2019 ఆంధ్రప్రదేశ్ ఎన్నికలు -కాంగ్రెస్ //  *********************************************************************             రాబోయే ఎన్నికలలో రాష్ట్రంలో ఎవరెవరికి అవకాశాలు ఎలా ఉండబోతున్నాయి అన్నది నాకు తెలిసినంతవరకూ, అర్థమైనంతవరకూ ఒక సిరీస్ గా రాస్తానని కొన్నాళ్ళ క్రితం చెప్పాను. అందులో భాగంగా మొదటగా వామపక్షాల గురించి రాశాను (https://vamsikalugotla-stories.blogspot.com/2019/02/2019.html) - ఇక ఇపుడు కాంగ్రెస్ గురించి. జాతీయ పార్టీగా కాంగ్రెస్ స్థాయి నానాటికి దిగజారుతున్నది అన్నది అందరికి తెలిసిన విషయమే. సమర్థవంతమైన నాయకత్వం లేకపోవడమే కాంగ్రెస్ పతనానికి కారణమవుతోంది. ఇక ఆంధ్రప్రదేశ్ లో కాంగ్రెస్ స్వీయ తప్పిదాలు, విభజన పాపం వల్ల అస్థిత్వాన్ని కోల్పోయే స్థాయికి దిగజారిపోయింది. రాబోయే ఎన్నికలలో కాంగ్రెస్ అవకాశాలు ఎలా ఉంటాయో పరిశీలిద్దాం.              ఆంధ్రప్రదేశ్ లో కాంగ్రెస్ అవకాశాల గురించి చర్చించే ముందుగా ఒకసారి ఇటీవలే ముగిసిన తెలంగాణ ఎన్నికలలో కాంగ్రెస్ ప్రదర్శన గురించి ప్రస్తావించుకుందాం. తెలంగాణాలో ఎన్నికలకు ముందుగా ఉన్నప్పటి పరిస్థితిని పరిశీలిస్తే -