Posts

Showing posts from April, 2017

ఇంతకీ నేను సెప్పొచ్చేదేంటంటే ... 'బాహుబలి 2' గురించి

ఇంతకీ నేను సెప్పొచ్చేదేంటంటే ... 'బాహుబలి 2' గురించి
************************************************             మొదటగా, తనమీద నమ్మకంతో వందలకోట్లు ఖర్చు పెట్టగలిగే నిర్మాతలను సంపాదించుకోగలిగిన రాజమౌళికి ; రాజమౌళి మీద నమ్మకంతో దాదాపు అయిదు సంవత్సరాలు బాహుబలికే అంకితమైపోయిన ప్రభాస్ నిబద్ధతకు ప్రశంసలు. ప్రశంసించినా సరే లేక విమర్శించాలనుకున్నా సరే సినిమా గురించి తెలిసిన వారిలో అధికశాతం మంది చూడాలనుకున్న, చూడబోతున్న సినిమా 'బాహుబలి 2'. సినిమా ఎలా ఉంది అన్న విషయం అటుంచి మొత్తం భారత దేశ సినిమా ప్రేక్షకులలో, కొంత స్థాయిలో అంతర్జాతీయ సినిమా ప్రేక్షకులలో ఆసక్తిని రేకెత్తించిన సినిమా గతంలో లేదు. అందునా చిన్న చూపుకు గురయ్యే దక్షిణాది సినిమా రంగం నుండి; అదీ కాక దక్షిణాది సినిమా అంటే 'తమిళ సినిమా' మాత్రమే అనుకునే బుర్రతక్కువ వాళ్లకు 'ఇది తెలుగు సినెమా, తెలుగోడు తీసిన సినిమా' అని చెప్పుకుంటూ దక్షిణాది సినిమా రంగం అంటే కేవలం తమిళ సినిమా కాదు అని చూపించిన రాజమౌళి ప్రశంసనీయుడు. ఎన్నో దశాబ్దాల నుండి భారతదేశ సినిమా రంగంలో దాదాపు ప్రతి సంవత్సరం అత్యధిక చిత్రాలు…

... ఉదయపు కాంతులు

వంశీ కలుగోట్ల // ... ఉదయపు కాంతులు //
*************************************
చిన్నప్పుడు, మాకు తెలిసినవాళ్ళ బంధువు కుటుంబం మా ఊరికి వలస వచ్చింది, వాళ్ళున్న ఊరిలో చేసిన అప్పులకు ఉన్న కొద్దిపాటి ఆస్థి కరిగిపోయి, వేరే దిక్కు లేక మా ఊళ్ళో ఉన్న బంధువు ఆదుకుంటాడని వచ్చారు. ఆ తరువాత అతను ప్రతిరోజూ ఉదయం ఊరిలో తిరుగుతూ ఇడ్లీలు అమ్మేవాడు. అలాగే సాయంకాలం బజ్జీలు గట్రా. వాళ్ళ బంధువుల ఇంటికి పక్కనే ఒక చిన్న రూమ్ లో ఉండేవారు. అలా కొన్ని సంవత్సరాలు గడిచేసరికి అతను తను ఉంటున్న రూమ్ కొని, మరొక గది కట్టించుకున్నాడు. పాత అప్పులు తీర్చి, మా ఊరిలో వాళ్లకు తనే అప్పులు ఇచ్చాడు. అలా కొంత స్థాయికి బాగానే ఎదిగాడు. (కాకపొతే ఆ ఎదుగుదల విపరీతం కాలేదు - ఒక స్థాయికి ఆగింది.) ఆ తరువాత వాళ్ళు మళ్ళీ నంద్యాలకో లేక కర్నూలుకో వలస వెళ్లి అక్కడ భోజనం హోటల్ పెట్టుకున్నారని విన్నాను. వారు మా ఊరికి వలస వచ్చేసరికి వారి పరిస్థితి అత్యంత దయనీయంగా ఉండేది - సినిమా కష్టాలు అంటామే అలా. కానీ, ధైర్యం కోల్పోకుండా నిలబడి పోరాడిన తీరు నాకు నచ్చింది. నేను ఇప్పటికీ అతడి గురించి కొందరికి చెబుతుంటాను - కష్టాలను ఒలకబోసుకుని సానుభూ…

... మొలకలొస్తాయ్

వంశీ కలుగోట్ల // ... మొలకలొస్తాయ్ //
******************************** సుబ్బిగాడు: ఒరేయ్ అప్పిగా, ఇంక భయం లేదురా. మన పొలాల్లో మొలకలొస్తాయిరోయ్ ... అప్పిగాడు: అదేంట్రా సుబ్బిగా, అసలు వానలే పడలేదు; బోర్లల్లో నీళ్లు లేవు. మొలకలెక్కడినుండి వస్తాయి ...!? సుబ్బిగాడు: అది గాదురా అప్పిగా, అక్కడెక్కడో మహారాష్ట్రలో వానలు బడినాయని నిన్న వార్తల్లో సెప్పినారు. అప్పిగాడు: అక్కడ వానలు బడితే, ఇక్కడ మొలకలెట్టా వస్తాయిరా సన్నాసీ ... సుబ్బిగాడు: ఎందుకు రావురా!? అక్కడ మర్దర్లు జరిగితే ఇక్కడ జరుగుతన్నయ్, ఆడ ఎక్కడనో ఎదో సేస్తే ఇక్కడోల్లు ఓట్లేత్తన్నారు. అట్టాటియి జరిగినపుడు ఆడెక్కడనో వాన బడితే ఈడ మొలకలు రావా!? సూత్తా ఉందురోయ్ ... మన పొలాల్లో మొలకలొత్తాయ్