అయ్యా అధ్యక్ష్యా, వేగులు అందించిన సమాచారం ప్రకారం గత రెండు రోజులలో విడుదలైన రెండు సినిమాలు ప్రేక్షకులను బాగానే ఆకట్టుకుంటున్నాయి అని తెలుస్తోంది. వివరాలు ఇలా వున్నాయి ...
->
ఖైదీ నెంబర్ 150: ఇది అత్యంత సాధారణ చిత్రం, నాసిరకం అని తెలిసింది
అధ్యక్ష్యా. కథ, కథనాలతో ఎటువంటి కొత్తదనమూ లేకపోయినా కేవలం 'బాస్ ఈస్
బ్యాక్' అంటూ పది సంవత్సరాల తరువాత చిరంజీవి పునరాగమనం అనే ఒకే ఒక్క అంశం
ఆధారంగా ఈ చిత్రం బాహుబలియేతర రికార్డులనన్నింటినీ దుమ్ము దులుపుతూ ఒక
సినిమా నటుడిగా చిరంజీవి సత్తా చూపుతోంది అని తెలుస్తోంది. అలాగే, ప్రజలు
సినిమాలను రాజకీయాలను వేరుగా చూడటం అలవాటు చేసుకుంటున్నారు అని
చెప్పటానికి, ప్రజల ఎదుగుదలను చూపటానికి ఈ చిత్రం ఒక ప్రామాణికంగా
నిలబడుతుంది అని వార్తల సారాంశం. ---> కానీ, వేగుల వారు అందించిన ఈ సమాచారం మమ్మల్ని గందరగోళానికి గురి చేస్తోంది అని తెలియజేస్తున్నాము. కారణమేమనగా, నోట్లరద్దు వలన జనాలు ఇబ్బందులు పడుతున్నారు తమ చిత్రాలను చూడటానికి రారేమో అని చిత్రపరిశ్రమ వారు భయపడ్డమాట నిజం. కానీ, ఈ రెండు చిత్రాలపై కురుస్తున్న కాసుల వర్షం (అంతేకాక బాలీవుడ్ లో దంగల్ విజయం) ఆ భయాలను తుత్తునియలు చేయటమే కాక ప్రభుత్వానికి ఇటువంటి మరిన్ని చర్యలు చేపట్టగలిగే ధైర్యం ఇచ్చింది. ఇది మరింత ముదావహం అని తెలియజేసుకుంటున్నాం.
Comments
Post a Comment