'డాక్టర్ సుధాకర్ గారు - ప్రభుత్వం' ఉదంతంలో విషయంలో కొన్ని ప్రశ్నలు

డాక్టర్ సుధాకర్ గారు - ప్రభుత్వం ఉదంతంలో విషయంలో కొన్ని ప్రశ్నలు

-> సుధాకర్ గారు మాస్క్స్ మరియు గ్లోవ్స్ వంటివాటి కొరత గురించి తన పై అధికారులనో లేక అధికార వర్గాలనో సంప్రదించారా? సంప్రదించి ఉంటే వారు వాటిని ఇవ్వటానికి నిరాకరించారా లేక సరఫరా లేదు కాబట్టి సర్దుకోవాలన్నారా లేదా మరేదైనా సమాధానమిచ్చారా?

-> ఒకవేళ పై అధికారులనో లేక అధికార వర్గాలనో సంప్రదించలేదు అంటే - అలా ఎందుకు చేయలేదు? పై స్థాయి వర్గాలను సంప్రదించకుండా ఎవరైనా అడ్డుకున్నారా?

-> అయ్యన్న పాత్రుడు గారిని కలవడం తప్పు కాకపోవచ్చు. కానీ, కలిసి వచ్చిన వెంటనే ఆరోపణలు చెయ్యడం, ఆయన్నీ కలిసి హాస్పిటల్ దగ్గరకు వచ్చే సమయానికి అటూఇటుగా విలేఖర్లు హాస్పిటల్ దగ్గరకు రావటం - వీటన్నిటికీ ఒకదానికి మరొకదాన్ని లింక్ ఉందా లేదా? లేక కేవలం కాకతాళీయమేనా?

-> మాస్క్స్, పిపిఈ సూట్స్, గ్లోవ్స్ వంటి వాటి కొరత నిజమే అయినప్పటికీ; వాటి గురించి సంప్రదించవలసింది మీడియాను కాదు కదా. అధికార వర్గాలను సంప్రదించి ఉంటే, వారి స్పందన ఏంటో చెప్పవచ్చు కదా.

-> వీటి కొరత అన్నది మన రాష్ట్రానికి మాత్రమే పరిమితమైనది కాదు. అలాగని ప్రతి ప్రాంతంలో కొరత లేదు. కానీ అతడి ప్రెస్ మీట్ ను అడ్డు పెట్టుకుని ప్రభుత్వం మీద రాళ్ళేయటానికి ప్రయత్నించడం ఈ పరిస్థితుల్లో సబబేనా?

-> తప్పుడు కథనాలు రాసిన జర్నలిస్ట్స్ కు కరోనా రావాలి అని శాపం పెట్టి, బెదిరించిన కెసిఆర్ ను మాత్రం ప్రశంసిస్తారు. ఇక్కడ ఒక డాక్టర్, ప్రోటోకాల్ పాటించకుండా ప్రెస్ మీట్ పెడితే మాత్రం ప్రభుత్వాన్ని తిడతారు. అక్కడ మాత్రం మీడియా ఎలా పడితే అలా రాయకూడదు, ఇక్కడ మాత్రం అలా కాదు అనే పధ్ధతి సరైనదేనా?

-> ఇక సుధాకర్ గారి గత చరిత్రలో నేరారోపణలు తదితరాలు ఉండటం - అతడు ప్రతిపక్ష ఎమ్మెల్యేను కలిసి వచ్చాక ఆరోపణలు చేయడం వంటివి అనుమానం కలిగించటం లేదా?

-> తప్పు చేశానని ఇపుడు అంటున్నారు సరే, చేసిన తప్పు ఎందుకు చేశారు? ఎవరితోనైనా వ్యక్తిగత గొడవల వల్ల భావోద్వేగాలతో చేశారా లేక ఎవరి ప్రేరేపణ వల్ల అయినా చేసారా?

వీటిని ప్రశ్నించకుండా కొందరు అతడి తీరును విమర్శిస్తే అదేదో మొత్తం వైద్యులను తప్పు పట్టినట్టుగా, మరికొందరు ప్రభుత్వం ఏదో తప్పు చేసినట్టుగా ఏవేవో రాస్తున్నారు. అతగాడు ముందుగా ప్రభుత్వ వర్గాలను సంప్రదించి, వారు నిరాకరించినట్టు తేలితే మాత్రం ఖచ్చితంగా ప్రభుత్వంది తప్పే అలాకాక అతడు కేవలం ప్రచారం కోసమో లేక ఎవరిమీదనైనా వ్యతిరేకతతోనో అలా చేసి ఉంటే తప్పు అతడిది అవుతుంది. అందునా ఇటువంటి విపత్కర పరిస్థితిలో అతడి వ్యవహారశైలి సరియైనది కాదు. ఆవేదనకూ, ఆవేశానికి, కుట్రకూ తేడా తెలియనంత అమాయకత్వంతో ఉన్నామా అన్నది విజ్ఞులు సరిచూసుకోవాలి. ... ఇవన్నీ చూస్తోంటే, ఒకటి మాత్రం అనిపిస్తోంది - జాతీయ స్థాయిలో కానీ, ఇతర రాష్ట్రాలలో కానీ ప్రతిపక్షాలు ఈ సమయంలో ప్రభుత్వాలను పెద్దగా విమర్శించటం లేదు. ప్రతి చోటా లోపాలున్నాయి. కానీ, ప్రతిపక్షాలు కూడా తమ వంతు అండగా నిలబడటమో లేక ప్రతిపక్ష నేతలు స్థానికంగా సహాయక చర్యలు చేపట్టటమో చేస్తున్నారు. అంతెందుకు కెసిఆర్ ప్రతి చర్యను వంద రీతులుగా విమర్శించే వారు కూడా నేడు, విమర్శలను పక్కనబెట్టి వీలైనంత సహాయం చెయ్యటానికి ప్రయత్నిస్తున్నారు. మన రాష్ట్రంలో గత రెండు మూడు రోజుల నుండి మాత్రం కొన్ని నియోజకవర్గాలలో అటువంటి చర్యలు మొదలుపెట్టారు (బహుశా విమర్శలకు జడిసి కావచ్చు). కనీసం ప్రతిపక్ష నేత, అత్యంత అనుభవజ్ఞుడు, దీర్ఘకాలం ముఖ్యమంత్రిగా పనిచేసిన నేత తన పార్టీ వర్గాలను చురుకుగా సహాయక చర్యలు చేపట్టామని మాత్రం ఆదేశించలేదు. అడిగితే సలహాలు చెప్తా అని మాత్రం అనగలరు. సుశిక్షితమైన, నమ్మకమైన కార్యకర్తల బలం/వ్యవస్థ ఉన్న పార్టీగా, తమ కార్యకర్తల వ్యవస్థను ఉపయోగించుకుని సహాయక చర్యలు చేపడితే అది పార్టీగా తమకే లాభిస్తుంది కదా. ఇక భావి ముఖ్యమంత్రిగా ప్రొజెక్ట్ కాబడుతున్న లోకేష్ గారు ట్విట్టర్ వదిలి రాకపోవడం ... వారి విజ్ఞత. తన సమర్థతను, ఔదార్యాన్ని చూపించుకునే ఇటువంటి అవకాశాన్ని ఎందుకు ఆయన ఉపయోగించుకోవటం లేదో మరి.

*** వంశీ కలుగోట్ల 🙏🙏🙏