... అనుభవం 2

వంశీ కలుగోట్ల // ... అనుభవం : 2//

**********************************

            నేనే సీనియర్ని, నాది నాలుగు దశాబ్దాలకు పైగా అనుభవం అంటూ ప్రతిసారీ ప్రస్తావించకండి బాబు గారు ... క్రింద పేర్కొన్న అతి కొన్ని అంశాలను పరిశీలించుకున్నపుడు అది అనుభవమా ఆక్కూర కట్టా అనుకోవాల్సిందే 

-> 23 మంది ఎమ్మెల్యేలను, ముగ్గురు ఎంపీలను వేరే పార్టీ ద్వారా సంక్రమించిన వారి సభ్యత్వాలకు రాజీనామా చేయకుండానే మీ పార్టీలోకి తీసుకున్నపుడు; అందులో నలుగురికి మంత్రి పదవులిచ్చినపుడు 

-> ముఖ్యమంత్రి స్థాయిలో ఉండి రాయలసీమ రౌడీలు, పులివెందుల గూండాలు అంటూ ప్రాంతాలను కించపరిచేలా మాట్లాడినపుడు 

-> దళితులుగా పుట్టాలని ఎవరూ కోరుకోరు అంటూ దళితుల మనోభావాలను కించపరిచేవిధంగా మాట్లాడినపుడు 

-> వాస్తవాస్తవాలు తెలుసుకోకుండా ఘటన జరిగిన గంటలలోపే ప్రతిపక్షం వారి హత్యారాజకీయాలను సహించను అంటూ చిత్తూరు మేయర్ హత్య ఘటనలో మాట్లాడి, ఆ తరువాత హత్య చేసినది తెదేపా సభ్యుడు మరియి స్వయానా మేయర్ మేనల్లుడు అని తెలిసినపుడు స్పందించకుండా ఉన్నపుడు 

-> అక్రమ ఇసుకరవాణాకు పాల్పడుతున్న మీ ఎమ్మెల్యేను అడ్డుకుంటే, అతగాడు ఆ ఎమ్మార్వోనుకొట్టిన ఘటనలో ఆ ఎమ్మార్వోనే పిలిపించుకుని మందలించినపుడు   

-> కాపు ఉద్యమ ఘటన సమయంలో రైలు తగలబెట్టబడినపుడూ వాస్తవాస్తవాలను తెలుసుకోకుండా రాయలసీమ రౌడీలు చేశారు అంటూ వ్యాఖ్యానించినపుడు  

-> రిషితేశ్వరి ఘటన, కాల్ మనీ సెక్స్ రాకెట్, బాక్సయిట్ నిర్వాసితుల ఉద్యమం వంటి పలు ఘటనలో వ్యవహరించిన తీరు 

-> ప్రతిపక్ష నేతపై హత్యాయత్నం జరిగితే కనీసం పరామర్శించకుండా కోడికత్తి అంటూ ఎగతాళి చేసినపుడు 

-> మీరే అక్రమ కట్టడం అని ఆరోపించిన కరకట్ట నిర్మాణాన్ని అధికారిక నివాసంగా మార్చుకున్నపుడు 

-> నిండు సభలో అచ్చెన్నాయుడు, దేవినేని ఉమా, అనిత వంటివారి దుష్ప్రవర్తనను ఖండించక, కేవలం ప్రతిపక్ష సభ్యురాలిపై మాత్రమే నిషేధం విధించినప్పుడు; సుప్రీం కోర్ట్ తీర్పును కూడా గౌరవించకుండా ప్రతిపక్ష సభ్యురాలిని సభకు రానివ్వకుండా అడ్డుకున్నపుడు 

... 

... 

... 

            ఎన్నని? కేవలం గత అయిదేళ్ళ కాలంలో జరిగిన అనేకానేక అంశాలను మాత్రమే రాస్తూ పొతే కూడా రామాయణం అంత అయ్యేట్టుందిలెండి, కాబట్టి ఇక్కడితో ఆపేద్దాం. (హోదా, రాజధాని నిర్మాణం విషయాలు ప్రస్తావించనే లేదు) ఇదా అనుభవం, ఇదా నాలుగు దశాబ్దాల అనుభవం నేర్పిన జ్ఞానం అనిపించేలా చేశారు కదా. అయినా దేవుడున్నాడో లేదో తెలియదు. కానీ ప్రజలు చూశారు - వారికి అవకాశం వచ్చినపుడు, వారు చెయ్యగలిగింది చేశారు. మీకు ప్రజలు అందించిన ఈ ఘోర ఓటమి, నూతన ముఖ్యమంత్రి జగన్ గారికి కూడా ఒక హెచ్చరిక అయ్యి ఒళ్ళు దగ్గర పెట్టుకునేలా చెయ్యాలి. 

* .           * .           *

            ఛీ దీనమ్మ జీవితం, ప్రతిచోటా అనుభవం అనుభవం అన్నమాట విని చిరాకు దొబ్బుతోంది. అసలు నేను ఐటీ ఇండస్ట్రీలో ఉద్యోగ ప్రయత్నాలు మొదలెట్టినపుడు - ఉద్యోగం కోసం వెళ్లిన ప్రతిచోటా రెండేళ్ళో, మూడేళ్ళో అనుభవం కావాలంటారు. ఎవడో ఒకడు ఉద్యోగం ఇవ్వకపోతే అనుభవం ఎక్కడినుండి వస్తుంది? ఫేక్ ఎక్స్పీరియన్స్ పెట్టుకుని పొతేనేమో బాక్గ్రౌండ్ వెరిఫికేషన్, తొక్కా అని బెదిరిస్తారు. ఎలాగోలా ఉద్యోగంలో చేరాక జరిగిందేమిటి అంటే అనుభవం ఉన్న చాలామందికంటే మనమే బెటర్ అని ప్రూవ్ చెయ్యడం. నా తరువాత వచ్చిన వాళ్ళు కూడా అదే చేశారనుకోండి, అంటే అదే నాకంటే బెటర్ అని ప్రూవ్ చెయ్యడం. అపుడు కూడా తృప్తి అనిపించేది, అనుభవం మాత్రమే కాదు సమర్థత కూడా ముఖ్యం అని మరొకమారు నిరూపించబడింది అని. అనుభవం అవసరం లేదని చెప్పట్లేదబ్బా, అనుభవం లేదని చెప్పి సమర్థులను దూరం చేసుకోకూడదని చెప్తున్నా అంతే. అర్థం కాకపొతే మింగెయ్యండి తప్పించి నామీద ముద్రలెయ్యకండి.